Асыққан жолаушы, атына теріс мінеді.

Ілмектер: асығу, ат

---

---

Атың жаман болса,
Сатып құтыларсың,
Көршің жаман болса,
Қайтіп құтыларсың?

Ілмектер: көрші, ат, төрт түлік мал

---

---

Алты жасар бала атқа мінсе,
Алпыстағы шал
Алдынан шығып атын ұстар.

Ілмектер: бала, ат, шал

---

---

Ақылды ердің ішінде
Алтын ерлі ат жатар.
Ақылды жардың ішінде
Алтын айдар ұл жатар.

Ілмектер: ақыл, ер, ат

---

---

Жаман күшіктің атын
Бөрібасар қояр.

Ілмектер: ит, ат

---

---

Балаң жақсы болса —
Екі көздің шырағы.
Атың жақсы болса —
Бұл дүниенің пырағы.
Алған жарың жақсы болса —
Абыройыңның тұрағы.

Ілмектер: бала, ат, әйел, жақсы

---

---

Жан ашыры жоқ адам
Жал-құйрықсыз атпен тең.

Ілмектер: адам, ат

---

---

Аттың атағы, түйенің табаны үлкен.

Ілмектер: ат, жылқы, түйе, төрт түлік мал

---

---

Алып - анадан, ат - биеден.

Ілмектер: ер, батыр, ерлік, ат, ана, бие

---

---

Жақсы аттың жалын сақтағанша,
Жақсы ердің көңілін сақта.

Ілмектер: ер, ат, ерлік, батырлық

---

---

Аттан айырылсаң да,
Ер тоқымнан айырылма.

Ілмектер: ат, ер тоқым, ұрлық, ынсап, пейіл

---

---

Жарлы атқа мінсе, «Қайдан алды» дер,
Бай атқа мінсе, «Құтты болсын» дер.

Ілмектер: жарлы, кедей, ат, бай, пейіл, ынсап

---

---

Арқанды ат қазығына оралар.

Ілмектер: ат, арқан, қазық, адалдық, адамгершілік, ізгілік, ынтымақ

---

---

Досқа ат берме,
Ат берсең, жай жүр деме.

Ілмектер: дос, достық, ат

---

---

Ұрыншақ ат арық болар,
Көңілшек жігіт жарлы болар.

Ілмектер: ат, жігіт, көңілшек, жарлы, кедей

---

---

Арық деген жаман тай,
Жазға шығып ат болар.
Жамандығың сезілсе,
Жақын кісі жат болар.

Ілмектер: жат, ағайын, туыс, ат

---

---

Ат болатын тай саяққа үйір,
Адам болатын бала қонаққа үйір.

Ілмектер: ат, тай, бала, қонақ, отбасы, туыс, жанұя

---

---

Ат аяған жерге қарар,
Құс аяған көкке қарар.

Ілмектер: ат, құс, жан-жануар, жануар, төрт түлік мал

---

---

Жақсы ат жанға серік,
Жақсы ит малға серік.

Ілмектер: ит, ат, жан-жануар, жануар, төрт түлік мал

---

---

Жалғыз аттың пайдасы көп,
Жалғыз ердің айласы көп.

Ілмектер: ат, пайда, айла, ер, жан-жануар, жануар, төрт түлік мал

---

---