Жаман ағайын
Бар болсаң
Көре алмайды.
Жоқ болсаң
Бере алмайды.

Ілмектер: ағайын, туыс

---

---

Тобылғылы шұбардан
Панасыз таудың несі артық?
Қадыр білмес туғаннан
Құныңды білер дос артық.

Ілмектер: дос, туыс

---

---

Жөн білмеген ағалар:
Бүлініп кетсең қуанып,
Сүрініп кетсең табалар.

Ілмектер: аға, туыс, тәрбие, өнеге

---

---

Тура тілді тия алмадым,
Туғаныма сия алмадым.

Ілмектер: тіл, туыс

---

---

Ақымақ тойынса,
Туысын танымайды.
Ақылды тойынса,
Тобасынан жаңылмайды.

Ілмектер: ақыл, ақымақ, туыс

---

---

Мал қонысын іздейді,
Ер жігіт туысын іздейді.

Ілмектер: туыс, ел, жұрт

---

---

Кереге бойы қар жауса да,
Жұтамайды сауысқан.
Қанды қалпақ кисе де,
Қиыспайды туысқан.

Ілмектер: туған, туыс, туысқан

---

---

Жиеннің алғаны парыз,
Жезденің алғаны қарыз.

Ілмектер: туған, туыс, қарыз

---

---

Жауды басындырма,
Жақынды ашындырма.

Ілмектер: жау, туыс

---

---

Асу-асу белдер бар, аса алмай жаудың аты өлсін,
Ағайынмен тату бол, айыра алмай жат өлсін.

Ілмектер: татулық, туыс

---

---

Жақыныңмен жауласқан
Жатқа мазақ болар.

Ілмектер: жақын, жат, туыс

---

---

Қазанына қарай шөміші,
Ағашына қарай жемісі.

Ілмектер: ағайын, туыс

---

---

Бажаны бажа көрсе, басы қышиды.

Ілмектер: бажа, туған, туыс, ағайын

---

---

Туысы бірге кетпейді,
Түбі бірге түтпейді.

Ілмектер: туыс

---

---

Ағайында өкпе бар да, кек жоқ.

Ілмектер: ағайын, туыс, жанұя, өкпе, кек

---

---

Ерге жаттың тізесі батса,
Ағайыншыл болады.

Ілмектер: ағайын, туыс

---

---

Туман туысқандай болмайды,
Тұрман құйысқандай болмайды.

Ілмектер: туыс, ағайын

---

---

Арық деген жаман тай,
Жазға шығып ат болар.
Жамандығың сезілсе,
Жақын кісі жат болар.

Ілмектер: жат, ағайын, туыс, ат

---

---

Төбелеске бергісіз араша бар,
Ағайынға бергісіз жанаса бар.

Ілмектер: төбелес, туыс, ағайын

---

---

Көлденең кісі көңілге қарамайды.

Ілмектер: туыс, ағайын, көңіл

---

---