Ашылмаған сандықта жыртылмаған бұл жатыр.
Әуеден ұшқан біл дейді,
Білдің бауыры зіл дейді,
Тіріден өлі шыққан
Ақылың болса біл дейді.
Бір үй бар әйнегі жоқ һәм есігі,
Ішінде алла берген бар несібі.
Болады бір жанды, бір жансыз,
Сандықтың табылады өз кәсібі.
Бір бөдененің ішінде екі түрлі суы бар.
Су көрдім реңі екеу бір қазанда,
Қақпағын аша алмайды ешбір жан да.
Бір нәрсе ақ пен сары, екі қабат,
Құдайым керемет берген аямай-ақ.
Ісіне құдіреттің таң қаласың,
Кетеді біраздан соң тарап-тарап.
Ғалымдар сөз сөйлесе ұқтырады,
Ішінде бір қалбырдың сүт тұрады.
Ол сүттің бірі жанды, бірі жансыз,
Жансыздар жаны барын жеп тұрады.
Суға қайнап сорпасы шықпас.
Құдайдың құдіреті көп болады,
Бір кеседе екі түрлі сүт болады.
Бір құдықтың екі алуан суы бар-ды,
Қайнатса оның суы мұз болады.
Кішкене ақ шыныда екі түрлі су.
Бір қазанның ішінде екі түрлі ас.
Өзі аппақ қардай,
Шайға салсаң балдай.
Аппақ қардай өңі бар,
Тамақ болар түрі бар,
Одан қашар адам жоқ,
Төрт бұрышты қыры бар.
Құрғақ жерде сақтайсың,
Онсыз тамақ таппайсың.
Бір нәрсе өзі нәзік керек еді,
Қолынан жерде жатса не келеді.
Дариға ағып жатқан салса тастан,
Сонымен даражаға тең келеді.
Судан шығар жарқырап масаттанып,
Тіл шықса дүниені қылар жарық.
Қайтадан суға түсе ғайып болар,
Адамзат керек қылар рахаттанып.
Бар еді бір жұмбағым егін емес,
Кісінің егейін десе ебі келмес.
Барлық ел, елаттарға тегіс бірдей,
Көтерсең ешнәрседен жеңіл емес.
Былқ-былқ ,былқ семіз,
Қабырғасы жоқ семіз.
Үсті темір, асты темір,
Ортасын ал да кемір.
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі