Асты тақтай, үсті тақтай,
Арасында асыл мақтай.
Кішкентай құдығымның суы тәтті.
Мың қойым суға жүзеді,
Қойшысы бірге жүзеді.
Секірме тастың үстінде
Сексен қойдың ізі бар.
Әрі сусын, әрі дәрі ,
Емге ішеді жас пен кәрі.
Малдың сүті, елдің құты,
Деп бағалар жұрттың бәрі.
Қырымда бір құдық бар суы батпан,
Сол суы шілде күні мұз боп қатқан.
Сіресіп ба
Уырдай боп қатқан мұздың,
Бетіне бетегесі шығып жатқан.
Жалғанда бір құдық бар суы тәтті,
Қауғасын бес бәйтерек мықтап тартты.
Сылдыр сұйық, су емес,
Ішсең сусын қанады,
Ақ болса да қар емес,
Шешуін кім табады?
Бір жерде бар дейікші сары бұлақ,
Мақсаты адамзатқа нәсіп болмақ.
Тып-тыныш өз жайымен тұрмаған соң,
Байлаған екі жақтан тесіп құлақ ,
Ойнақтар ор текесі ортасында,
Денесі басқалардан ұзынырақ.
Қаршығам өзі қансыз қолда қонар,
Қиын жерден қуанып ауыз толар,
Мен өзім қаршығамнан дән алыппын,
Шешуі бұл жұмбақтың қандай болар?
Әуеден айнала ұшқан бөдене екен,
Бөденені біреу атып жеген екен,
Еті арам, сорпасы адал немене екен?
Қазық басына қар тұрмас.
Аппақ қана домалақ,
Жейді сыртын тазалап.
Әуеде жұмсақ,
Отта қатты.
Пісірсең ас болады,
Пісірмесең құс болады.
Ашып қарасам аппақ,
Жеп қарасам тәп-тәтті.
Есіксіз, түндіксіз отау.
Аузы бітеу ақ отау.
Айдалада ақ отау,
Аузы-мұрны жоқ отау.
Отыз күнде сол отау,
Айдалада жоқ отау.
Ақ сандық айналадан тауып алдым,
Ішінде не бар, не жоқ таба алмадым.
- Габриэль Гарсиа Маркес
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі