Бір қария жерде де емес, көкте де емес,
Болғанда түбі терең, аузы кемеш.
Ішіне ит түссе де арам емес.
Меккеде бір ағаш бар түбі жуан,
Он екі ұл, алпыс екі қызы бір күні туған.
Ағады алпыс екі бұлақ бір қайнардан,
Он екі бұлағы бар шыр айналған.
Ісіне таң қаламын құдіреттің,
Бәрі де бір нәрсеге ыңғайланған.
Бір таудың алпыс сегіз саласы бар,
Он екі жанында қаласы бар.
Бау-бақша түрлі өсімдіктер,
Барлығын билеп тұрған анасы бар.
Бір “әліп” мұнарадай көзім көрген,
Екі “мәт”, екі “сәкін” оған ерген.
Болғанда “иа” ден камал, нұрдан гауһар,
Болады кім данышпан мұны білген.
Алпыс екі мәуелі шынар ағаш,
Ағашқа біткен бұтақ жалғас-жалғас.
Және де екі тесік бір мешітте,
Қаланған кірпіші бар іргесінде.
Бір әйнек шыны да емес, темір де емес,
Жасауы сынып кетсе қолдан келмес.
Жұмбағым тез ойланып тауып берші,
Сен-дағы жігіт едің өзім теңдес.
Тамға таяқ сүйедім,
Отыз екі сыр-сырлап.
Бір мақұлық жұмыста сорлайды,
Мисыз деп оны жұрт ойлайды.
Саумайды, соғымға соймайды,
Бірақ та мінуін қоймайды.
Отыз екі орағым бар ғажайып,
Әттен, кейін кетеді ғой азайып.
Бірі қысқа, бірі ұзын он бала,
Жұмысында тындыратын сол ғана.
Кішкене ғана тостаған,
Жер дүниені бастаған.
Түпсіз терең тұңғиық
Бүкіл әлем тұр сыйып.
Қос қабыршақ қабысып,
Қарбызға тұр жабысып.
Сәуле астында жүз ине.
Тақырда тайдың ізі.
Күмбір-күмбір қарағым,
Қартайғанша жарадың.
Асқар тауда қара орман.
Екі ағайынды,
Екеуі де бір үйде,
Бірін-бірі көрмейді.
Ақ дуалдың ар жағында қызыл ат,
Байлауынан бір босамас қызық ат.
Егіз қайың,
Бой-бастары тең өскен.
Іске дайын,
Бұтақтары бес-бестен.
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі