Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Спорт бұйымдары, ойын


Тебесің сен бip,
Тебемін мен бip,
Көнбіс зат ең бip.

Футбол добы



Қозғамасаң — құлайды,
Сүйемесең — сұлайды.
Құйымшақта ері бар,
Бұл не деген жануар?

Велосипед



Жазда жатса тыныстап,
Дейді қыста «жұмыс тап!»
Тауға шықсаң жетекте,
Қашады алып етекке.

Шана



Алпыс төрт тең бөлмеде
Отыз екі тұрғын бар:
Ақ, қара ғып бөлгенде
Бірін бірі қуғындар.
Ханы үшін де, жаны үшін
Бермейді олар намысын.

Шахмат



Жылға дер ем — ақпайды,
Жылан дер ем — шақпайды.

Арқан



Алпыс төрт бөлмеде
Отыз екі тұрғын бар
Ақ қарағып бөлгендер
Бірін-бірі қуғандар
Ханы үшін де, жаны үшін де
Бермейді олар намысын.

Шахмат



Табаныма байладым,
Қос таяқпен айдадым.

Шаңғы



Жазда қайрандайды,
Қыста сайрандайды.

Шана



Ойға қарай зулайды,
Сенсіз өрге бармайды,
Жетелесең қалмайды.

Қол шана



Шіркіннің өзіне обал-ақ,
Жүреді аяқта домалап.

Доп



Қыстай жегіп қос атты,
Көктем шыға босаттым.

Шаңғы



Әуеде
Дәу қарынды үрдім де,
Аузын байлап бүрдім де,
Төмен қарай сүйредім,
Ауада еркін биледім.

Парашют



Біздің үйде бір қыз бар,
Көзі бар, көрмейді,
Аузы бар, жемейді,
Қолы бар, ұстамайды,
Аяғы бар, жүрмейді.

Қуыршақ



Ақ шатыр,
Ақ шатырдың ішінде
Ақ ала көйлек қыз жатыр.

Қуыршақ



Жазда жатса тынысып,
Дейді қыста жұмыс тап,
Тауға шықсаң - жетекте,
Қашады алып етекке.

Шана



Қос аяқ жүрген қуып,
Жел шықтан үрген қуық,
Бірде жөн, бірде лағып,
Қашады зыр-зыр қағып.

Футбол



Ұрсаң қатты зырлайды,
Жерге қарғып тұрмайды.
Тиіп кетсе басыңа,
Еш бір зиян қылмайды.

Доп



Өзі кішкене дөп-дөңгелек,
Тапшы, қане біле алсаң.
Өзіңнен де биікке асады,
Мықтап жерге ұра алсаң.

Доп



Нәзік белі бұралған,
Ұшы біздей қадалған.
Қар үстінде жорғалап,
Басқан ізін бояған.

Коньки



Орай бұты, бөкен сырты,
Іші бар, ішегі жоқ.

Асық