Сымға асылып,
Жүр асығып.
Дыз-дыз етіп жүрегі,
Сымнан ұстап жүреді.
Өзіне адам мінеді,
Ол не, ал кім біледі?
Бір-біріне қарай үйлер тіркесіп,
Қара тұлпар жүр әрі-бері көшіп.
Аспанда жүзеді,
Қанатын қақпайды.
Жерде де жүреді,
Бауырлап жатпайды.
Ұшады қанатсыз,
Зырлайды аяқсыз.
Екі басты айдаһар
Бәрін қырып жояды.
Екі аяқпен жер тіреп.
Қағазды жеп қояды.
Інді көп-ақ қазады,
Өзі шыға қашады.
Жалғыз аяқ, тілік ерін.
Тұмсығында найзасы бар.
Киімдерді тігіп керім,
Адамға көп пайдасы бар.
Гүлдері бар құлпырған,
Кең жазықтан аумайды.
Оған әркім ұмтылған,
Киім киер оңтайлы.
Қазша қанатын жаяды,
Үйрекше мойнын созады,
Құсша қонады.
Шайқап басын,
Бір төмен, бір жоғары,
Тұрса ол, Тосын
Үйде самал соғады.
Бір басы — қамал,
Бір басы жәй ашық,
Аяғы төртеу,
Алаңы — самал,
Жатқанға жақсы жайласып.
Белбеуі шынжырдан,
Су тартады шұңғылдан.
Қолға алсаң, қызмет етер,
Бүтінді
Бөлшектеуге шебер.
Жалыңды үрлеп шалқытады,
Темірді бірлеп балқытады.
Қыздырып соқсаң иленеді,
Балға мен төстен именеді.
Тасты қияқ,
Батыл басар,
Темір тұяқ.
Қара батыр,
Бұғып жатыр.
Басып қалсаң түндікті,
Шап етеді бір мықты.
Қысқаштай сабы бар,
Қос садақ жағы бар.
Қос жағы бар,
Бір сабы бар.
Бассаң тілін,
Сарт етіп жабылар.
-
- Габриэль Гарсиа Маркес
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі