Сырт жағына зер жiппен,
Көз тартатын көрiкпен.
Ою-өрнек бастырған,
Шалқасынан тастаған,
Кәдiмгi сырлы тостаған,
Қойсаң егер төңкерiп,
Төңiрегiн көмкерiп,
Тостағандай бос тұрған,
Киiз үйден аумайды,
Басқұрмен бастырған.

жауабы

Тақия

---

---

Әшекейлi күбiнi,
Үюлi тұрған шөмеле,
Кигiздiм биiк төбеге.

жауабы

Сәукеле

---

---

Әкем ақ тауын,
Ақ шарбымен орады.

жауабы

Сәлде

---

---

Ортасы күмбез,
Жиегiн көмкерген.
Етегi желкендей,
Киiм едi ол нендей?

жауабы

Кимешек

---

---

Қыста,
Шығарда тысқа,
Құлағы салпақ,
Құйрығы жалпақ,
Төбесi жайпақ,
Түктi маңдайы тайпақ,
Iшi мамық байпақ.
Қара орманды қаптадым,
Сөйтiп жан сақтадым.

жауабы

Тымақ

---

---

Дорбаға тығып, бас бағын,
Байлай салдым қос жағын.

жауабы

Тымақ

---

---

Адамның сәнi,
Онсыз жоқ мәнi.

жауабы

Киiм

---

---

Гүлдерi бар құлпырған,
Кең жазықтан аумайды.
Оған әркiм ұмтылған,
Киiм киер оңтайлы.

жауабы

Мата

---

---

Аузы бар, тісі жоқ,
Ештеңемен ісі жоқ.
Аяққа ілсең жүреді,
Өздігінен күші жоқ.

жауабы

Кебіс

---

---

Бәрін-бәрін білесің;
Бас, аяқты, кеудені.
Үнемі сен
Тұмшалаумен жүресің.
Қыста аязда берілмей,
Емін-еркін күлесің.

жауабы

Қыс киім

---

---

Ерте тұрдым,
Екі айыр жолға түстім.

жауабы

Шалбар

---

---