Қызыл сиырымның жоны жалпақ.
Көк итім қабаған,
Артына киіз жамаған.
Күндіз сырп-сырп,
Түнде жым-жырт.
Мекені жол үстінде тұрар жері,
Бар екен алты жерде қаққан зері ,
Қандайлық қызметті атқарады,
Адаммен бірге жүрер әрі-бері.
Әрі лап-лап, бері лап-лап,
Қанша үлкен болса да,
Орнына келер жапсақ.
Адам кірсе ашылады,
Сыртқа шықса жабылады.
Дүниеде бір нәрсе бар өзі жансыз,
Жоқ оны ұрмайтұғын адамзатта.
Ұзын, ұзын, ұздар-ай,
Ұзын бойлы қыздар-ай.
Бізді құдай айдады,
Белімізден байлады,
Тірідей сорым қайнады.
Баяғыда бай едім,
Ақ сақалды шал едім.
Мұнда келіп сондай болдым,
Қысылған қындай болдым.
Мен елімде дегендім,
Жирен атты бек едім,
Елімнен келіп мұндай болдым,
Белімді байлаған құлдай болдым,
Тонымды жырттырдым,
Сақалымды қырықтырдым.
Әуелінде шөп едім,
Жерге өскен көк едім.
Қолға түстім, ойылдым,
Он жерімнен буылдым.
Өз елімде бек едім,
Желкілдеген жек едім.
Келдім де қыспаққа түстім,
Отыз екі тұзаққа түстім.
Үй үстінде төрт шыбық,
Төртеуі де тең шыбық.
Ана ауылдың қойларының бәрі ала аяқ.
Үй айнала қан төктім.
Ала күшік үй айнала жүгіреді,
Екі басы ішке кіреді.
Үйде бір жұдырық,
Сыртта бір жұдырық.
Артыңда әкең жұдырығын түйіп тұр.
Үйдің іші толған мыс кене.
Былайғы елдің баласы
Ашамайын мініп тұр.
- Альфред Адлер
- Альфред Адлер
- Альфред Адлер
- Альфред Адлер
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі