Қожа ахмет ясауи атындағы халықаралық қазақ-түрік университеті талапкерлерді оқуға шақырады!

Егіс пен өсімдіктер өлкесі


Таңертең де, түсте де
Күнге бетін бұрады.
Тостағанын кішкене
Тосады да тұрады.

Күнбағыс



Елдің сүйер егісі,
Жер астында жемісі.

Картоп



Көктемде бір еді.
Күзде мың боп түледі.

Дән



Төбесінде шашағы,
Кеудесінде масағы.

Жүгері



Іші қызыл, сырты көк,
Ала жаздай үрдім доп.

Қарбыз



Іші жұмсақ, сырты қатты,
Еті қызыл, сүті тәтті.
Соғым үшін сайлап қойдым,
Бордақылап байлап қойдым.

Қарбыз



Кіргенде ініне сыңар-ды,
Ұрпағын ертіп ол шығарды.

Картоп



Көйлек, бешпет, халат та
Киген екен қабаттап.
Ақырында июннің
Терлеп, жанып-күйгесін,
Үстегі бар киімнің
Қойды ағытып түймесін.

Капуста



Ешкім де жемейді,
Тәтті екен демейді,
Сарғайып піседі,
Үзіліп түседі.

Жапырақ



Көктемде ақ гүлге оранады,
Күзде қолға доп боп оралады.

Алма



Бақшада піседі
Көп өнім береді.

Көкөніс



Көктемде көктеп шығады талға,
Күзде сарғайып түседі жерге.
Бұл не?

Жапырақ



Тау-тау ақ қар, ерімейді ыстықта.

Мақта



Пішіні бар домалақ,
Көміп қойдым сығалап,
Жақсы болса тұрмысы,
Шығады екен қоғалап,
Бес ай тәмәм біткенде,
Қаптап алдым құмалақ.

Картоп



Айтайын мен бір жұмбақ қыл тамаша,
Тыңдама жұмбағымды ұнамаса,
Ішінде дәндері бақша-бақша,
Кішкентай бейнесіне көз тоймайды қараса.
Ол не?

Қарақат



Сырты қызылсары домалақ,
Көрген жан қызығады,
Іші ай сияқты дөңгелек,
Бұны кім табады?

Мандарин



Сопақша көк өңі бар,
Пайдалы мөлдір сөлі бар.
Піскен кезде жияр,
Оның аты...

Қияр



Атасы қисық ағаш
Анасы жайма шелпек,
Бір сабақта құж-құж жентек.

Жүзім



Қырға қызыл кілем жайылды.

Қызғалдақ



Қабат-қабат киінген
Төбеден шашы түйілген.
Жеп көріп едім өзінен
Жас шығарды көзімнен.

Пияз