Эссе және өлең-жыр байқауы

Көз алдымда

  • admin
  • 30.04.2019
  • 0
  • 0
  • 346
Күн нұрына тоздырып асыл тысты,
Күлгін тартты көктемім жасыл түсті.
Көз алдымда өрім тал бүршік атып,
Көз алдымда терекке жасын түсті.
Бір алданса,
Ғұмыры қараң қыздың.
Миуасы болмайды сараң күздің.
Көз алдымда Қапшағай пайда болып,
Көз алдымда ортайды Арал біздің.
Көктемеде гүл жарып жыр алғашқы,
Көрдік талай қымыздық,
Рауғашты.
Көз алдымда күн ойнап тереземде,
Көз алдымда әйнекті қырау басты.
Аппақ болып қырықта дарын бастар,
Таулар шөкті шыңынан арылмас қар.
Көз алдымда бойжетіп,
Ана болып,
Көз алдымда қартайды қарындастар.
Біреулерге жақсылық кешікпепті.
Кешікпепті,
Келін боп көшіп кепті.
Көз алдымда жас талант жайнап өсіп,
Көз алдымда, апыр-ай, өшіп кетті!
Беріп қайттық біз оның жылын бүгін.
Орнын басты ағаның білімді інім.
Көз алдымда көлгірсіп,
Кейбіреулер
Көз алдымда жасады зұлымдығын.
Сәл уақыт жоқ моторды жөндегелі,
Кәрілік те қалады демде келіп.
Көз алдымда
Бір күні
Ойда жоқта
Жүре берер дүние дөңгеленіп!

Басқа да өлеңдері

Хайроллаға

  • 0
  • 0

Өмірдегі не бір жайсаң,
Қасқаның,
Қарап тұрсаң,
Ғұмырлары қас қағым.

Толық

Кәрі қыран

  • 0
  • 0

Қанатынан қаңтардың қары бүркіп,
Қашатұғын көргенде бәрі де үркіп.
Қырағы көз бүгінде қарауытып,
Қалғып отыр қияда кәрі бүркіт.

Толық

Тамаша

  • 1
  • 2

Тамаша той-думанмен таң атырса
Сол кезде жаныңда әсем жан отырса
Тамаша жексенбі күн көл басында
Тұнықтан балық аулап бала отырса

Толық

Пікірлер (0)

Пікір қалдырыңыз


Жүктелуде...