Эссе және өлең-жыр байқауы

Қарбалас

  • admin
  • 29.04.2019
  • 0
  • 0
  • 282
Өмір атты кірген соң мына баққа,
Қақым да жоқ уақытты сынамаққа.
Бір шаруаны бірақ та шаруа бұзып,
Бір жұмысқа бір жұмыс сына қаққан.
Табы қалмай өлеңде бас бармақтың,
Қалайша мен ертеңге бос бармақпын?
Телефонға шақырып ит қылады
Арасында егіз жол — қос тармақтың.
Қайран уақыт, зымырап барасың ба?
Қиын болды үйлесім,
Жарасымға.
Ең кемінде жүреді бір жиналыс
Бір парақ пен бір парақ арасында.
Жас дарынға мойынын бұрған аға
Жолымызда өлмейтін жыр қала ма?
Бір шумақ пен бір шумақ арасында
Барып қайтып жүреміз бір қалаға.
Туыстармыз ойы ұқсас,
Тілдері егіз.
Зырлап жүріп асығыс күн көреміз.
Шүкір! Шүкір!
Іс пен іс арасында
Сәби сүйіп,
Жар сүйіп үлгереміз!

Басқа да өлеңдері

Моряк

  • 0
  • 0

Моряк жаны мығым-ақ
Мұхиттардан жүз өткен.
Тау толқынға шығып ап,
Тыныштықты күзеткен.

Толық

Ерлі-зайыпты қазақтар

  • 0
  • 1

Біздің халық, біле-білсең, бір ғажап!
Сүйе тұра,
Бірін-бірі жүр қажап.
Қанша жақсы көрсе-дағы әйелін

Толық

Алма ағашы

  • 0
  • 0

Ағаш емес, біліңдер,
Асыл ана бұл тұрған.
Толған сайын түйіндер
Алма ағашы құлпырған.

Толық


Пікірлер (0)

Пікір қалдырыңыз

Серіктестер

Жүктелуде...