Эссе және өлең-жыр байқауы

Ыстық

  • admin
  • 29.04.2019
  • 0
  • 0
  • 303
Мұнартады сағымды нөпір алап.
Ақ бесікке асылып отыр ана...
Ала бұзау құйрығын шаншып алып,
Айдалаға безеді оқыралап.
Мен өскенмін ат теуіп,
Түйе қарпып.
Бәрінен де даланы сүйем артық:
Жылқылары тұратын
Біреуінің
Мойынына біреуі иек артып.
Жүрсем де өзім паркте,
Жасыл бақта,
Жыр жазамын шөпшінің қосын мақтап.
Шаңқай түсте жатады бота-тайлақ
Ыстық құмға өтектей төсін қақтап.
Осы дала — қазақтың қимайтыны.
Әулиесі,
Бас иіп сыйлайтыны.
Босағада жатады бөрібасар
Кеуіп кеткен аузына сыймай тілі.
Сағым-теңіз,
Көлге емес,
Соған түстік.
Шомылар ма сағымға балам да өстіп!
Бәрі де ыстық:
Күн де ыстық,
Дала да ыстық.
Ал қазақтың құшағы одан да ыстық!

Басқа да өлеңдері

Бостан-босқа шытылмайды қабақтар

  • 0
  • 0

Бостан-босқа шытылмайды қабақтар.
Байқайсың ба,
Сенде қызық әдет бар:
Шын дарынды дұшпаныңды жамандап,

Толық

Жаңбыр

  • 1
  • 5

Ала қашпай, елірмей,
Әдемі ырғақ тауып бір
Қап-қара бұлт негрдей
Ақ жаңбыр боп жауып тұр.

Толық

Кемірген кім, ішкен кім?

  • 0
  • 0

Қағып шаңды,
Кітапшамды
Темірменен
Кемірген кім?

Толық


Пікірлер (0)

Пікір қалдырыңыз

Серіктестер

Жүктелуде...