Эссе және өлең-жыр байқауы

Кейде ширап

  • admin
  • 29.04.2019
  • 0
  • 0
  • 278
Кейде ширап,
Кейде жүндей түтіліп,
Кейде ұтып,
Кейде мықтап ұтылып,
Көп нәрседен,
Көп нәрседен қол байлар
Келем енді,
Келем енді құтылып.
Бал шәрбатқа таңдайымыз жібіттік.
Қарамаймын енді оған да үміт қып.
Сергелдеңге салған талай түнімен
Сабасына түсіп қалды жігіттік.
Сары түске алмастырып жасылды,
Оңды-солды шашып бақтық асылды.
Жұлдыздардан,
Нұр-қыздардан қызғанған
Жарымыз да тулап-тулап басылды.
Енді, міне, көктемдегі қардаймын,
Текке кеткен уақытымды қарғаймын.
Бір кездері өзім іздеп жүретін
Тойға қазір шақырса да бармаймын.
Уақытында бәрі-бәрі қалады-ай!
Жастығың да екі көзі танадай...
Отырамын енді ойымды әлдилеп
Жалғыз ұлмен жесір қалған анадай..

Басқа да өлеңдері

Түн

  • 0
  • 0

Құйып-құйып өткенде
Көшпелі душ бұлт деген,
Күндізгі аптап от демде
Түсе кетті кілт төмен.

Толық

Не ұтып, неден ұтылдым?

  • 0
  • 0

Айтып көрді жалынып,
Қорқытты да,
Қоймадым.
Асыққа бір салынып,

Толық

Басталғандай қайтадан құмар айым

  • 0
  • 0

Басталғандай қайтадан құмар айым
Дөңгеленіп далада туар айым.
Киіз үйдің іргесін түріп тастап,
Көкжиекке көзімді суарайын!

Толық


Пікірлер (0)

Пікір қалдырыңыз

Серіктестер

Жүктелуде...