Эссе және өлең-жыр байқауы

Жаңбырдан соң

  • admin
  • 24.04.2019
  • 0
  • 0
  • 472
Жалт-жұлт етіп, сарт-сұрт етіп жалт ойнап,
Жаздай жаңбыр жаумап еді — жұрт айғақ.
Бимаза жел аспан астын аралап,
Бір мезгілде алып келді бұлт айдап.
Сол-сол екен дала нұрға кенелді,
Қара нөсер құйып ала жөнелді.
Ойнап еді бір топ бала ілкіде
Санын соғып, алақайлап,
Ал енді
Жаңбырдың мол селдетерін білгесін,
Жүгірісіп үйді-үйіне жиды есін.
Жоғалды бұлт
Жабыстырып үстіне
Шөпшілердің күнсіп кеткен жейдесін.
Су-су қылып бозторғайды, шымшықты,
Сілкінді де сұп-сұр аспан тыншықты.
Сахна — көк, шымылдық — бұлт сырылып,
Сығалады, нұрын сеуіп күн шықты.
Жұтты гүлдер нөсер суын, шуақты.
Жылғалардан жылжып қана су ақты.
Жаңбырдан соң күлімдеді табиғат
Жақсы баға
Алған бала
Сияқты.

Басқа да өлеңдері

Не ұтып, неден ұтылдым?

  • 0
  • 0

Айтып көрді жалынып,
Қорқытты да,
Қоймадым.
Асыққа бір салынып,

Толық

Хикая

  • 0
  • 0

— Амансың ба, Омаржан?
— Амансың ба, Құмаржан?
Деп бір арық, бір семіз
Көріскенін көрсеңіз!

Толық

Тінәлі кінәлі

  • 0
  • 0

Көтеріп кластың
Шаңдағын,
Тасыпты ласты
Маңдағы.

Толық

Пікірлер (0)

Пікір қалдырыңыз


Жүктелуде...