Өлең-жыр байқауы

Бір күніммен қоштастым

  • admin
  • 17.04.2015
  • 1
  • 3
  • 8634
Тағы, міне, қоштастым бір күніммен,
Қош айтыстым бір күнгі тірлігіммен.
Тоқтатып кер толассыз қозғалысты,
Түссең-дағы тәңірдің кіндігінен.
Айлар, жылдар, ғасырлар алға аттаған,
Алға аттады күнім де ардақтаған.
Мынау жарық әлеммен бірге айналып,
Заулап барам, бір күні аунап қалам.
Аунап қалам...
Білемін, білемін мен!
Ажыраймын жармасқан тірегімнен.
Қүлай білем,
Себебі, жүре білгем,
Құсым ұшса болғаны жүрегімнен.
Бір құсым бар кеудемде-зынданымда,
Бірге туған менімен, туғанымда.
Байғұсыма бостандық берсем болды,
Аунап кетпей әзірге тұрғанымда.


Басқа да өлеңдері

Бозқараған

  • 2
  • 0

Бозқараған...
Көрдің бе бозқараған?
Сирень иісі аңқиды боз даладан.
Бозқараған - тікенек, тікенге өскен

Толық

Жантықтың туысқаны

  • 1
  • 1

Адамның баласынан жерімеп ем,
Достастым періменен, серіменен.
Жөніңе кет, жарқыным, жөніңе кет
Ат кекілін кестім мен сеніменен.

Толық

Миллиард дастарқаны

  • 1
  • 0

Жалғанның жартысындай жалпақ далам,
Кеудең - ырыс, алтын тақ - арқаң маған!
Қозғалсаң қойыныңнан дән саулаған,
Кәусар далам, бас идім, гауһар далам!

Толық

Пікірлер (3)

Мырзатаев Жәнібек

Жаныма жақын жырлары, ақиық ақын Мұқаңның, оттарым сөнген кезінде өзінен от ап тұтандым.

Анара

Керемет өлеңдер!!!

Альмира

Өте əсерлі өлеңдер

Пікір қалдырыңыз