Түн

Жұрт ұйқыда жатыр, шырт ұйқыда,
Қара түн күзетіп тұр бейкүнə.
Қара түнді мен күзетем бір шетте,
Орнықты кеп, жанарыма сыйды да.

Ұйықта, халқым, тынығып ал,
Ұйқың болсын тəп-тəтті кəнігі бал.
Ертең жұмыс, ерте оян, елім менің,
Ұйықта-ей айхай-шуға жаны құмар.

Жел екеуміз таңдамаймыз мезгіл түк,
Шаршасам да кете алмаймын тез мүлгіп.
Ғимаратты айналып кеп уілдейді,
Тірлік барда тыныштық жоғын сездіріп.

Бұл заман - тыныш заман, бейбіт заман,
Ұйықтатпай көр сəбиіңді, келсе шамаң.
Ұйықта халқым, ұйықта, тынығып ал,
Туың биік, жұртың тыныш, елің аман.

---