Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Өмір сырын көздесең...

Шәкәрім Құдайбердіұлы

Өмір сырын көздесең...

  • 15.04.2015
  • 1
  • 1
  • 9829
Өмiр сырын көздесең,
Жарға шоқын, жаннан без.
Сыр қаласын iздесең,
Сырлы сұлу тамнан без.

Болат кiсен – тақ саған,
Темiр ноқта – бақ саған,
Дәулетiң – у мақтаған,
Пайда, мақтан, малдан без.

Жақыным, сыйлас, жатым деп,
Ешкiмдi айтпа халқым деп,
Бiрiнен-бiрi тартып жеп,
Таласып жүрген аңнан без.

Дүние құмар өзiмшiл,
Нұр таба алмас, анық бiл.
Жардың сөзiн Құран қыл,
Шатақ дiн мен заңнан без.

Пән жамылған әлiмдер,
Дiн жамылған зәлiмдер,
Бере берсең, бәрiн жер,
Сол жалмауыз паңнан без.

Пайғамбар қыл ақылды,
Сол табады мақұлды,
Адасып әлiм шатылды,
Ол шатасқан шаңнан без.

Қараңғыны көрiп қас,
Арақ iшiп болып мас,
Жар нұрымен көңiлдi аш,
Жайдары жаққан шамнан без.

Бұл насихат тыймаса,
Ойыңа сөзiм сыймаса,
Дағдыны көңiлiң қимаса,
Жалмауыз бол да, жардан без.

Шәкәрім Құдайбердіұлы өлеңдер Қазақша өлең өмір сыр өмір сырын көздесең... Шәкәрім Құдайбердіұлы өлеңдері

Пікірлер (1)

Пікір қалдырыңыз

Мен кетемін, келеді тағы өмірге мендей...

  • 1
  • 1

Мен кетемін,
келеді тағы өмірге мендей,
Олар мінді көреді,
қисық жерін жөндей.

Толық

Қолшатыр бұйрығы

  • 1
  • 0

Көзге күңгірт, ойда бар өткен заман,
Бізден бұрын өтіпті бірталай жан.
Сол өткен көп заманның бір кезінде
Қытайды билеп тұрған Сан-Хо-Жи хан.

Толық

Мал жимақ

  • 2
  • 9

Мақтан үшін мал жима, жан үшін жи,
Қазаққа көз сүзбестің қамы үшін жи.
Арың сатпа, терің сат, алалды ізде,
Ғибадат пен адалдық, ар үшін жи.

Толық

Қарап көріңіз

Басқа да жазбалар

Жаңалықтар

Нақыл сөздер

Соңғы жоспарлар

Пікірлер