Эссе және өлең-жыр байқауы

Жек көреді дейсің, дос, тойлауды кім

  • admin
  • 01.05.2019
  • 0
  • 0
  • 292
Жек көреді дейсің, дос, тойлауды кім.
Қажеттірек әйтсе де ойлау бүгін...
Жүгенім жоқ,
Ноқтам жоқ,
Бұйдам да жоқ,—
Бірі де жоқ,
Бірақ та байлаулымын!
Жек көреді еркелік жасауды кім?
Артта қалды әйтсе де асаулығым
Кісенім жоқ,
Бұғау жоқ,
Шідерім жоқ,—
Бірі де жоқ,—
Бірақ та тұсаулымын.
Шаруасымен дәстүрдің,
Ғұрыптардың
Кіре алмайтын жерлерге кіріп бардым.
Дегенменен...
Ханым жоқ,
Қадиым жоқ,—
Бірі де жоқ,—
Бірақ та кіріптармын.
Шектелуді тірілікте сауап көрдім.
Ақылына сыяр бұл сауатты ердің:
Кіріптармын,
Еркіммен кіріптармын!
Ар алдында өйткені жауапкермін!

Басқа да өлеңдері

Бұлт

  • 0
  • 0

Жалбыр-жалбыр жүні ұзын
Жабағыдай
Жөңкіген бұлт көк жүзін
Жабады ұдай.

Толық

Мың жұлдызы бар болса да...

  • 2
  • 13

Мың жұлдызы болса да, байқамайсың басқаны,
Бір жұлдыздан тұрады, махаббаттың аспаны.
Сол бір жұлдыз жанады, сол аспанды жарық қып,
Жарықта да түк көрмес ғашық болған жарықтық!

Толық

Таң

  • 0
  • 0

Күншығыстан нұр алып,
Қалғып-мүлгіп жатты ну.
Жусан желден ырғалып,
Жасап кетті жаттығу.

Толық

Пікірлер (0)

Пікір қалдырыңыз


Жүктелуде...