Эссе және өлең-жыр байқауы

О бастан-ақ өзімшіл

  • admin
  • 01.05.2019
  • 0
  • 0
  • 300
О бастан-ақ өзімшіл,
Меншіл емен.
Тіл таба алам қойшымен,
Елшіменен.
Балықшымен бір шығып көк теңізге,
Жер астына бір түстім кеншіменен.
Ұзын демен жолымды,
Қысқа демен.
Жазда келем ауылға,
Қыста келем.
Келген сайын
Болатқа жан бітірген
Бір сырласпай кетпеймін ұстаменен.
Танысуға жас кезде жасқана ма?!
Талай ермен сырластым астанада.
Түс кезінде
Сылақшы жеңгейлермен
Бірге тұрдым кезекте,
Асханада.
Біз қазақпыз қыз баққан,
Ұл өсірген.
Жан емеспін төс ұрып,
Бір есірген.
Қатар кірдім сан мәрте трамвайға
Техникпен,
Монтермен,
Слесарьмен.
Ақын ба екен,
Әкім бе,
Ұлық па екен?
Деп ойлардай
Көрсетпен қылық бөтен,
Түбінде мен
Сорпаға салған тұздай
Қалың елдің ішіне сіңіп кетем!

Басқа да өлеңдері

Қауіп

  • 0
  • 0

Талай жігіт қиянаттан күйінді-ау.
Күйінді де қыршын ғұмыр қиылды-ау!
Қиын еді Спартактың ғасыры,
Біздің ғасыр одан гөрі қиындау!

Толық

Дауыл

  • 0
  • 0

Таздай сыйпап сортаң менен тақырды,
Көк шалғынды ұйпа-тұйпа жапырды.
Кір-қоқысын жағалауға лақтырып,
Көк теңізді тай қазандай сапырды.

Толық

Әрине, сен қолдамайсың мұнымды

  • 0
  • 0

Әрине, сен қолдамайсың мұнымды,
Әйтсе де мен айтып тынам шынымды:
Өксіп-өксіп,
Өксіп-өксіп жыласаң,

Толық

Пікірлер (0)

Пікір қалдырыңыз


Жүктелуде...