Мақтау мен масаттану — даусыз мойындаудың күнгей беті де, күндеу мен қызғаныш — көлеңке беті.

Ілмектер: мақтау, масаттану, күндеу, қызғаныш, нақыл, афоризм, қанатты сөздер Әбіш Кекілбаев

---

---

Заманға таң қалма − адамға таң қал.

Ілмектер: заман, адам, нақыл, афоризм, қанатты сөздер Әбіш Кекілбаев

---

---

Өнерде шəкірттік сезімін ұмытқан адам – ұстаз да бола алмайды.

Ілмектер: өнер, шәкірт, нақыл, афоризм, қанатты сөздер Әбіш Кекілбаев

---

---

Шын азаматтық бақыт пен шын азаматтық қасірет, ең алдымен, өмірлік проблеманың қалай шешілгеніне байланысты.

Ілмектер: бақыт, қасірет, өмір, проблема, нақыл, афоризм, қанатты сөздер Әбіш Кекілбаев

---

---

Ақын еңбегінің жалғыз өлшемі – оның адам жүрегіне қанша жақындай алғаны.

Ілмектер: ақын, еңбек, нақыл, афоризм, жүрек, қанатты сөздер Әбіш Кекілбаев

---

---

Ақын үшін ең зымыран тұңғиық та — жүрек, ең шырқау биік те — жүрек.

Ілмектер: ақын, нақыл, жүрек, афоризм, қанатты сөздер Әбіш Кекілбаев

---

---

Адам нәсілін жер бетінде баяндатып тұрған бірден-бір күш — мейірім мен рақым ғана.

Ілмектер: нәсіл, мейірім, рақым, күш, нақыл, афоризм, қанатты сөздер, Әбіш Кекілбаев Әбіш Кекілбаев

---

---

Жалпақ əлемді аузыңа қарату үшін − рухани ерлік керек, жалпақ əлемге қысылмай, қымтырылмай қарау үшін − рухани байлық керек.

Ілмектер: әлем, ерлік, байлық, рухани байлық, қанатты сөздер, нақыл, афоризм Әбіш Кекілбаев

---

---

Ақиқаттың мекені — жүрек.

Ілмектер: ақиқат, жүрек, нақыл, афоризм Әбіш Кекілбаев

---

---

Жалпы түгел тәуекелге мінбей тұрып, жалқы ештеңе бітіре алмайды. Қарапайым ел деген болмайды. Жеріне, суына, тіліне, дініне, тарихына, тағдырына ие Халық деген болады. Тек сондай халық қана есерін түзеп, еріне медет бола алады. Қорлана бермей, арлана білейік. Намыстың сөзін сөйлейік.

Ілмектер: ел, тіл, дін, тарих, халық, намыс Әбіш Кекілбаев

---

---

Дәстүр-әдеппен, әдет-ғұрыппен, мың жылдап қалыптасқан дағдымен күресу есуастық. Бірақ оның бәрін жаңа жағдайға лайықтамай, жаңғыртпай, сол қалпында ұстануға тырысу – өз аяғыңды өзің тұсап, өз қолыңды өзің кісендеумен бара-бар.

Ілмектер: дәстүр Әбіш Кекілбаев

---

---

Адамзат ақыл-ойы талай ғажайыптарды ойлап тауып жатыр ғой. Алда да небір ғаламат жаңалық ашылар. Бәрібір ең ұлы жаңалық — жазу. Одан асқан жаңалық болған емес. Жазудың ойлап табылуы мәңгіліктің біржола мойындалуы. Жазу Адам нәсілін ақылды, айлалы етіп қана қойған жоқ, иманды да ибалы, парасатты да етті. Шын мәнінде Ғылым, Дін, Мәдениет жазудың арқасында пайда болды. Осы арқылы өткен ұрпақтардың құндылықтарымен сусындады, кемелденді.

Ілмектер: жаңалық, ғылым, жазу, жазушы Әбіш Кекілбаев

---

---

Уақыттың өтетіні рас, көп нәрсенің ұмытылатыны рас. Бірақ өмір бірақ рет беріледі деген өзіміз білетін қағида бар. Ол қандай заманда, қандай жағдайда өтсе де бәрібір қымбат. Сондықтан өз басым өткенге өкпе жүрмейді деп ойлаймын. Өткенге тек тәубе жүреді деп ойлаймын.

Ілмектер: уақыт, өмір, өкпе, тәубе Әбіш Кекілбаев

---

---

Адамды адам еткен – кітап, адамзат еткен – кітапхана.

Ілмектер: кітап, кітапхана Әбіш Кекілбаев

---

---

Адамдар әділ болса, өмір әрқашан әділ.

Ілмектер: адам, әділдік, өмір Әбіш Кекілбаев

---

---

Өнерде шәкірттік сезімін жоғалтқан адам ұстаз бола алмайды.

Ілмектер: өнер, ұстаз, шәкірт Әбіш Кекілбаев

---

---

Бағалай білмегенге бақ қонбайды,
Қуана білмегенге құт қонбайды.

Ілмектер: бақ, құт Әбіш Кекілбаев

---

---