сайыс
ozgetil.kz

Білім министрі тест тапсыра алмаған мұғалімдер жазаланбайтынына уәде етті

ҚР Білім және ғылым министрі Ерлан Сағадиев ұлттық біліктілік тестілеуін тапсыра алмаған мұғалімдерге ешқандай жазалау шаралары қолданылмайтынына уәде етті.

«Мамыр айында мұғалімдер ұлттық біліктілік тестілеуін тапсыруды бастайды. Егер де көпшілігі өздерінің біліктілігін дәлелдей алмаса, онда біз ешқандай жазалау шараларын қабылдамаймыз. Ережеге сәйкес, олар тест тапсырмаса, онда бұрынғы дәрежесімен және еңбекақысымен жұмысын жалғастырады. Мұғалімдерге қатысты ешқандай құқықтық салдар қарастырылмайды», - деді министр.

Сонымен қатар ол әкімдіктердің әлдебір квоталар енгізіп, мұғалімдерге жазалау шаралары қолданылатындығымен қорқытып жатқандағы туралы сыбыстар министрлікке жетіп жатқандығын айтты.

«Біз осындай қадамдарға бармауды өтінеміз. Мұғалімдерде ұлттық біліктілік тестілеуіне дайындалуға қажетті уақыты болуы керек.  Сонымен қатар педагогтар оны қашан тапсырса да өздері біледі. Сәйкесінше, ешқандай да мәжбүрлеу болмауы керек», - деді БҒМ басшысы.

Оның сөзіне қарағанда, аталған тестілеуді тапсыруға өз еркімен 60 мың мұғалім жазылған. «Бұл өз кезегінде мұғалімдер өздерінің біліктілігіне сенімді екенін, өз пәнін жақсы білетінін білдіреді. Ол 26 мамырда басталып, бірнеше күнге созылады», - деді ол.

ҚазАқпарат


Әлеуметтік желілерде бөлісіңіз:


Басқа да жазбалар

Пікірлер (4)

Айнұр

Дұрыс мұғалімдерді тексеру керек, сапа артады

гүл

Тест қашан ,қай жерде, қалай жүргізілетін болды?

баян

дайындалу ушин уакыт берсе

Айнур

Тамыз айында тапсыру керек еді қазір қорытынды мектепте мұғалімдерге қиын

Пікір қалдырыңыз

nationalgeographic.kz
Сертификат алу. Сертификат, алғыс хат пен диплом алу жөнінде мәлімет
ҰБТ(онлайн тест)