Эссе және өлең-жыр байқауы

Құмырсқа

Бір құмырсқа өз илеуінде тобынан бөлініп, сол маңдағы ара, қоңыз секілді жәндіктермен дос болыпты.

Жем іздеп шыққан құмырсқа жол үстінен бір дән тауып алыпты. Жалғыз өзі әрі-бері әуреленіп, дәнді орнынан қозғалта алмапты. Сонан соң көмек сұрау үшін әлгі қанатты достарын іздейді.

Бір уақытта гүлден-гүлге қонып, шырын жинап жүрген араға жолығады

– Досым, бір дән тауып алып едім, жалғыз өзім көтере алмағаным. Маған көмектесіп жіберші, – деп өтінеді.

– Көрмей тұрсың ба, мен де жұмыс істеп жатырмын ғой, – деп, ара көнбей қойыпты. Солайы солай ғой, мейлі деп, құмырсқа әрі жүріп кетіпті. Ол енді қоңызды тауып алады.

Ол мән-жайды айтып, көмек сұрапты.

– Сен үшін өз еңбегімді еш қыла алмаймын, – деп, қоңыз ызыңдап ұшып кете барады.

Достарынан күдер үзген құмырсқа мұңайып қайтып келе жатады. Жолда өзінің илеулестерімен ұшырасып қалады. Олар мұның түрін көріп:

– Не істеп жүрсің? – деп, жөнін сұрайды.

Жалғыз құмырсқа өзінің басынан кешкенін айтып береді:

– Жалғыздық деген сол, – деп, илеулестері жұбатады да құмырсқаның дәнін көтерісіп, әрі алып кетеді. Құмырсқа үйіріне қайта қосылады.

«Жаңа достың қадірі ескі досқа жетпейді» деген екен сонда бір кәрі құмырсқа.


Әлеуметтік желілерде бөлісіңіз:

Пікірлер (10)

Жулдыз

рахмет издегенімді таптым

Зарма

Маған ұнады іздегенімді таптым бірақ маған жоспары да керек.

Шынар

Көп рақмет. Қалай тауып аламын деп отыр едім.

Нуржамал

Жоспары:1кумырсканын достары,
2 дан, 3 комек сурау, 4 жана достардын комеги, 5 ески достар.

Ақ тілек

Осыны жазған кісіге рахмет

айгерим

оте кушты

сафина

рахмет

Назым

Бірден таптым. Рахмет

Асем

Раxметтт

Рахметт

Керек жоспарымды таптым

Пікір қалдырыңыз

Серіктестер

Жүктелуде...